Esparcia misugyot pagbutang og pansayan sa night café

GISUPORTAHAN ni Konsehal Bernie Espacia, Chairman sa Komite sa Climate Change, ang sugyot  pagbutang og pansayan diha  sa Macasandig-Balulang Night Café.

Kini human nagpahigayon og  hiniusang tigom ang  Komite sa Turismo ug Komite sa Panglawas  sa miaging semana nga gidumala  nila ni  Konsehal Jay Roa Pascual ug Lourdes  Gaane.

Matod  sa  konsehal nga ang kalihokan sama sa night café makahatag  og negosyo ingon man trabaho  sa katawhan  gawas nga nahimo usab  kining  suroyanan sa mga pamilya maong angayan  nga aduna  kini igong pansayan  aron maobserbar ang kahindik sa dapit.

Gipasabot  usab sa konsehal nga  bisan  ang night café temporaryo lang  apan  gikinahanglan gihapon nga adunay mga kalagdaan ug regulasyon ang barangay ug  ang lokal nga kagamhanan aron nga mahan-ay ug malikayan ang mga reklamo ug masiguro nga limpyo ug hamugaway ang  operasyon.