Suzette motuon sa tahong dili hitsas ang mga gradwado sa Senior High manarbaho

Tun-an sa kometiba sa edukasyon ni konsehal Suzette Magtajas-Daba ang taho ni konsehal Romeo Calizo kalabot sa giingong dili hitsas ang mga migradwar sa Senior High School sa kapasidad nga makapanarbaho.

Ang komite ni Daba gitahasan nga momugna sa pundok nga mohimo sa pakisusi sa pamahayag sa Philippine Chamber of Commerce nga adonay 1.3 milyones ka mga tinun-an nga migradwar sa Senior High School sa milabay nga Marso 2018 nga dili pa andam aron manarbaho o’ walay igong kapasidad nga makapanarbaho.

Gikahingawa sa konsehal nga sa maong gidaghanon dili matuman ang tumong sa K12 program nga masangkap ang kabatan-onan sa kapasidad nga makapanarbaho bisan dili gradwado sa kolehiyo. Kun lantawon ang maong mga kabataan ang ilang pangedaron dili pa angayan manarbaho ug makasupak kini sa balaod, pamahayag ni Calizo. (APD)