Salcedo miawhag sa mga ginikanan hikayon mga rekisitos sa enrollment sa kabataan

Si konsehal Enrico Salcedo, chairman sa komite sa cooperative, nanawagan sa mga ginikanan ilabina niadtong adunay mga gagmay nga kabataan nga magsugod sa pagtungha sa umaabot pagbukas sa klase nga hikayon nang daan ang mga dokumento nga gikinahanglan diha sa ilang pag-enroll.

Matod sa konsehal nga maayo nga andamon nang daan ang tanang dokumento aron madali ug masayon ang pagpa-enroll sa mga kabataan sa mga tunghaan ma-pribado man o’ pampubliko ug sa ingon dili sila maataw-ataw og masiguro nga ma-enroll gayud sila.

Nakasalalay nato ang ugma sa atong kabataan maong atong responsibilidad nga masiguro nga maka-eskwela gayud sila sa umaabot nga pagbukas sa klase. Karon pa lang daan nga layo pa ang enrollment hikayon ang mga importante nga dokumento sama sa birth certificate gikan sa Philippine Statistics Authority ug uban pa, pamahayag ni konsehal Salcedo. (Yonggals)