Kon. Salcedo walay puas nga misuporta sa mga kooperatiba

Si konsehal Enrico Salcedo, chairman sa komite sa cooperative sa konseho padayong nagasuporta sa tanang sector sa kooperatiba dinhi sa syudad.


Dili pa lang dugay, personal nga gitambongan sa konsehal ang gipahigayong ika-3 nga Pilipino Housing and Services Cooperative (PHASCO) diha sa Phasco Village barangay Tablon ug malampusong mipahurar sa bag-ong hut-ong sa mga opisyales sa nahisgutang kooperatiba.

Nasayran nga ang maong kalihukan nagsentro sa temang” Panaghiusang Pag-ambit sa Kalamboan.”


Si Salcedo mipaabot sa iyang maiinitong pagtimbaya sa tanang sakop sa kooperatiba ilabina sa mga bag-ong napili nga mga opisyales dala ang panghinaut nga magkahiusa ug suportahan sa mga sakop ang mga opisyales kinsa magdala sa ilang tingog.


Niini, ang mga sakop sa kooperatiba mipaabot sa ilang pasalamat sa konsehal sa pagsuporta sa maong kalihukan.


Sa laing bahin, gisuportahan usab ni konsehal Salcedo ang gipahigayong Cooperative Reportorial Orientation and Workshop 2018 nga gipahigayon diha sa Golden Hat Café dinhi sa syudad diin usa siya sa namulong sa nahisguang kalihukan.

Usa ka kalihukan kalabot sa online registration sa mga micro cooperative nga nakabasi dinhi sa syudad. (Yonggals)