Annual budget sa Brgy 14 aprobado na

Laing barangay ang makapatuman sa ilang mga programa ug proyekto karong tuiga.

Kini human ang konseho sa syudad sa sesyon sa niadtong Lunes nga gidumala ni bise mayor Kikang Uy misagop sa resolusyon nga nag-uli sa ordinansa sa Barangay 14 diin nasukip ang ilang Annual Budget alang sa bulan sa Enero ngadto sa Disyembre, ning tuig.

Nasulod sa maong budget ang mga programa ug proyekto nga gipunduhan sa barangay ug maoy gihatagan sa prioridad nga ipatuman aron makab-ot ang dugang kalamboan sa dapit.

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni konsehal Alam Lim ug komite sa pamalaod ug reglamento ubos ni konsehal Ian Mark Nacaya. (Yonggals)