Suzette mipasidungog, pahalipay sa mga mogradwar sa tinun-an sa RegSci HS

Si konsehal Suzette Magtajas-Daba, chairman sa komite sa edukasyon, mipaabot sa iyang pasidungog ug pahalipay sa tanang tinun-an sa Gusa Regional Science High School nga mogradwar sa umaabot Abril 2, 2018.

Sa iyang mensahe, ang konsehal miingon nga lain na usab nga kalamposan ang nakab-ot sa mga tinun-an sa ipahigayong Completer’s Day alang sa Grade 10 ug gradwasyon sa Grade 12 .

Kini pinaagi sa paningkamot ug kakugi sa mga tinun-an. Dugang pa angayang pasalamatan ang mga ginikanan nga nagmatuto ug misuporta kanila ug labaw sa tanan ang labawng makagagahum, dugang sa konsehal.

Ang pagkab-ot sa kalamposan dili sayon. Maagian ang mga kalisod ug hagit sa kinabuhi. Ang gradwasyon dili kataposan kun dili bag-ong bahin sa kinabuhi sa mga tinun-an. “Follow your dreams, believe in yourself and don’t give up”, ug sa maong bahin makab-ot ang kalamposan sa tanang damgo sa kinabuhi, mao kini ang pamahayag ni konsehal Suzette Magtajas-Daba. (APD)