Akreditasyon sa 2 assns tukion sa urban poor

Magtigom karong alas 2:00 sa hapon diha sa hawanan sa konseho ang komite sa urban poor and housing development ni konsehal Zaldy Ocon.

Hisgutan atol sa maong tigom ang hangyo sa Indahag Settlers Landless Association diha sa Sitio Bato, Barangay Indahag ug Hugpong Livelihood Association Inc. sa Zone 10 Purok 2B Upper Carmen, ning syudad.

Tukion sa komite ang aplikasyon sa duha ka kapunungan nga maakredit isip mga sakop sa Local Special Bodies (LSB) sa kagamhanan sa dakbayan diin dako kini og ikatabang aron mapasayon ang pagpatuman sa ilang mga programa ug proyekto.

Gilauman sa komite nga makompleto sa asosasyon ang tanan rekisitos aron madali ang pag-aprobar niini. Gidapit nga motambong sa maong tigom ang mga opisyal sa duha ka kapunungan aron mopaambit sa ilang mga plano ug tinguha. (El Kapitan)