top of page

Briefing sa mga tinun-an sa MNSA RC 53 malampuson



Dako ang pahalipay ni bise mayor Kikang Uy sa kalampusan sa pagpahigayon sa briefing sa mga tinun-an sa Master in National Security Administration (MNSA) Regular Course 53.


Ang kalihokan gihimo kagahapong adlawa dinha sa hawanan sa konseho.


Kini gilangkoban sa 65 ka mga military officers, civilian government officials ug mga piniling executives sa pribadong sektor ug mga opisyal sa militar gikan sa nasud sa Bangladesh, India, Malaysia, Nigeria, Pakistan ug Sri Lanka.


Ang ilang pag-anhi sa dakbayan kalabot sa National Security and Development Study nga kabahin sa usa ka tuig nga MNSA Course.


Niini, si bise mayor Uy mipaabot usab sa iyang mainitong pag-abiabi sa mga delegado sa ilang pagbisita dinhi sa dakbayan ug malaumon nga dako ang ilang makat-onan sa maong pagtuon nga ilang madala ug mapatuman sa ilang tagsa tagsa ka mga lugar.


bottom of page