Loteng naigo sa Macapagal Drive road widening proj girekomendar mabayran

Paborableng girekomendar ni konsehal Edna Marban-Dahino nga mabayran ang loteng naigo sa pagpatuman sa proyekto pagpalapad sa dalan dinha sa barangay Canitoan.

sa tigom sa komite kagahapon, giduso ngadto sa komite sa pamalaod aron masukip sa pagahisgutan sa konseho ang lakang paggahin og P1.27 milyones kapin isip just compensation sa lote nga naapektohan sa proyekto.

Ang maong pundo kuhaon gikan sa Continuing Appropriation, Annual Budget CY15 “Non-office; Land Acquisition/Expropriation” ubos sa Ordinance No. 13047-2016.

Kini adunay nay Certificate of Availability of Funds (CAF).

Sa tigom nasayran nga ang mga gikinahanglan nga dokumento nahan-ay na. Ang tigom gitambongan sa kadagkoan sa mga departamento nga may kalambigitan alang sa maong katuyoan.

Si konsehal Dahino namahayag nga kinahanglan dili malangan ang pagbayad sa mga obligasyon sa syudad apan kinahanglan usab nga moagi sa tukma nga proseso ug kompleto sa mga dukomento nga gikinahanglan. (APD)