Gan misugyot sa duha ka panig pagdala og abogado sa hearing



Tungod kay wala makab-ot ang amicable settlement taliwala sa paningkamot sa komite nga makasinabot nalang aron dili na moabot sa kaso, gimando ni konsehal Leon Gan, chairman sa komite sa senior citizens ug nagdumala sa tigom sa komite sa blue ribbon, nga mokuha sa ilang abogado ang nanumbong ug sinumbong aron mapahigayon dayon ang preliminary hearing sa kaso.


Dili lalim ang kaso tungod kay gasto kini ug disturbo pa sa matag adlaw nga kalihukan busa kami dinhi sa komite maningkamot nga kun mahimo ma-areglo aron dili na moabot sa kaso apan kon dili gayod wala mi mahimo gawas sa pagsunod sa mando sa balaod, pamahayag ni konsehal Gan.


Atol sa tigom sa komite niadtong Martes, gidungog ang kaso nga gipasaka ni Andre Compo, board of director sa Consolacion Sand and Gravel Operators Association sa dapit batok ni kagawad Carl Mark Arcaya sa Barangay 17, ning syudad.


Niini, giukotaba sa komite ang pagpaminaw sa kaso ug gihangyo kini nga magdala sa ilang mga abogado. (El Kapitan)