Goking misuporta sa tree planting sa CLENRO



Hugot nga gisuportahan ni konsehal George Goking ang mga kalihokan nga gipasiugdahan sa City Local Environmental Environment & Natural Resources Office (Clenro).


Kagahapon, si Goking mitambong sa gipahigayong Tree Planting diha sa Upper Dagong, barangay Carmen nunot sa pagsaulog sa CLENRO sa ilang ika 18 ka tuig nga pagkamugna nga adunay temang “18 years of Loving and Nurturing as Stewards of God’s Creations”.


Ang kakahoyan adunay dako nga gigampanan sa kinaiyan ug usab usa sa mga paagi nga matabangan pagpabalik sa natural ang kanhi karaan nga dumpsite diin gilantaw sa unahan nga mahimong Eco Park sa syudad.


Ang mga kabataan makaginhawa pa sa presko nga hangin sa mga umaabot pa nga henerasyon. Mokabat sa dos syentos ka mga kahoy ang gitanom atol sa kalihokan kagahapong adlawa nga gisalmotan sa mga opisyal sa syudad ug lain laing sektor sa katilingban.


Si Goking namahayag nga angayan nga buhaton karon ang mga butang nga makahatag og kaayohan sa katawhan sa umaabot nga panahon sama niining kalihokan. (APD)