Solidwaste Mgmt Program sa Brgy 30 mapatuman na

Paborableng gisuportahan sa konseho sa syudad ubos ni bise mayor Kikang Uy ang ordinansa sa Barangay 30 nga nag-provide sa ilang Ecological Solid Waste Management Program.

Sa sesyon kagahapon, gisagop sa konseho ang resolusyon nga nag-uli sa maong ordinansa alang sa pagpatuman sa mga probisyon nga naglakip sa mga giya ug nagpahamtang sa multa alang niadtong masapon nga makalapas niini.

Sa maong ordinansa, gitinguha nga mapalapdan ang kampanya alang sa kahindik sa ilang palibot ug ang kasayon sa pagbahin bahin sa ilang mga basura nga sugdan sa ilang tagsa tagsa ka panimalay pinaagi sa pag-promote sa pag-recycle ug subling paggamit aron maminusan ang kadaghanon sa basura sa dili pa ilabay.

Si bise mayor Kikang Uy mibutyag nga ang maong lakang dako kaayo og ikaamot alang sa hingpit nga kalimpyo sa dakbayan nga nahiuyon usab sa iyang gihingusgan nga makaayo sa kinatibuk-an.

Niini, siya malaumon nga kini magsilbi unya nga sumbanan sa ubang barangay nga wala pa nagpatuman sa maong lakang.

Ang resolosyon nga gisagop sa konseho alang sa maong katuyuan gipaluyuhan sa komite sa barangay affairs ni konsehal Yan Lam Lim ug komite sa pamalaod ug reglamento ni konsehal Ian Mark Nacaya. (Yonggals)