top of page

Recent Posts

Archive

Tags

P3.39M budget sa FS Catanico sa tuig 2018

Mokabat sa P3.39 milyones kapin ang gibanabanang kinitaan ug galastohon sa barangay FS Catanico ning tuig 2018.

Kini ang unod sa ordinansa nga gipalabang sa barangay nga gisumete sa konseho ubos ni bise mayor Kikang Uy aron mauyunan ug maimplementar sa labing dali nga panahon.

Sa maong budget, gigahinan sa barangay ang pagrehabilitar sa ilang kadalanan ug sistema sa panubig ug drainage, pagmintinar ug pag-instalar sa mga suga sa kadalanan ug pagtukod og materials recovery facility.

Sa laing bahin, migahin usab ang barangay alang sa programa sa panglawas, paglusad sa anti drug campaign programs, socio-cultural and sports development alang sa kabatan-onan ug programa sa pagpanindot sa ilang barangay.

Niini, ang komite sa barangay affairs ubos ni konsehal Alam Lim gipaabot nga mopatawag og tigom alang sa maong katuyuan ug nagdapit sa kadagkoan sa barangay ingon man mga hintungdang hepe sa departmento sa City Hall pagtambong sa gitakdang tigom. (Yonggals)


bottom of page