Kausaban sa plano sa NHA-Lumbia Heights housing project giuyonan

Hiniusang giuyonan sa konseho sa syudad ubos ni bise mayor Kikang Uy ang aplikasyon sa National Housing Authority (NHA) alang sa kausaban sa plano sa proyektong NHA -Lumbia Heights housing project.

Sa sesyon niadtong Lunes, si konsehal Dometilo Acenas, Jr., chairman sa komite sa subdivision ug nagpaluyo sa gipalabang nga ordinansa, mibutyag nga ang kausaban sa plano sa proyekto naglakip sa pagpadako sa open spaces ug road circulation sa subdivision project.

Kini naglakip sa 4.44 porsyentong omento sa gidak-on sa lunang gitagana alang sa parke ug playground ug 2.02 porsyentong omento sa kadak-on sa community facilities. Dugang niini, adunay 38.61 porsyentong omento usab sa road circulation kun itandi sa unang naaprobahang original nga plano, dugang ni Acenas.

Ang ordinansa nga gipalabang sa konseho alang sa maong katuyoan gipaluyohan usab sa komite sa pamalaod ug reglamento ni konsehal Ian Mark Nacaya