Oro Youth Code gipalababang sa konseho

Hiniusang gipalabang sa konseho sa syudad ubos ni bise mayor Kikang Uy ang Comprehensive Code for the Youth of Cagayan de Oro City.

Sa sesyon niadtong Lunes, si konsehal Jay Pascual, chairman sa komite sa youth and sports development ug nangamahan sa ordinansa, mibutyag nga ang pagpalabang sa balaod nunot sa probisyon sa Republic Act 10742 kon Sangguniang Kabataan Reform Act of 2015 nga naglatid sa mga kabag-ohan alang sa dugang kaarangan sa batan-onan.

Ubos sa Section 4 sa Youth Code, ang Oro Youth Development Council gitahasan sa pag-umol sa Youth Development Plan sulod sa unom ka bulan gikan sa pagpalabang sa ordinansa.

Niini, gimugna ang Oro Youth Development Council nga langkoban sa tulo ka representante gikan sa In-School Youth Sector, tilo gikan sa out of School Youth Sector, tulo gikan sa Faith-based Youth Sector, tulo gikan sa special advocacy based youth sector, tulo gikan sa community-based youth ug tulo usab gikan sa cultural identity based youth sector.

Sa maong higayon, gimugna usab pinaagi sa maong balaod ang Oro Youth Development Office.

Ang maong ordinansa gipangamahanan usab ni konsehal Ian Mark Nacaya.