Dugang kaarangan sa serbisyo sa panglawas sa CdeO gilantaw


Gilantaw nga mahatagan pa sa dugang kaarangan ang serbisyo sa gobyerno ngadto sa katawhan sa natad sa panglawas.

Kini human ang konseho sa syudad ubos ni bise mayor Kikang Uy sa sesyon niadtong Lunes hiniusang mipalabang sa ordinansa nga naghatag og katungod ni mayor Oscar Moreno pagpirma sa Memorandum of Agreement (MoA) tali sa Department of Science and Technology (DOST-10) nga naglangkob sa pagpatuman sa proyektong “Roll-out of RxBox 1000 Telehealth Devices.

Si konsehal Malou Gaane, chairman sa komite sa panglawas ug nagpaluyo sa gipalabang nga ordinansa, mibutyag nga ang maong proyekto maghatag sa katawhan sa syudad og access ngadto sa life-saving health care service.

Kini ipahimutang ngadto sa mga piniling healthcare facilities ilabina dinha sa mga barangay nga layo sa sentro sa syudad, dugang ni Gaane.

Sa MoA, ang DOST mopahigayon og training ngadto sa healthcare facility users kalabot na sa pag-instalar, paggamit, operasyon ug maintenance sa RxBox Device, ingon man sa accessories ug software pinaagi sa UP NTHC.

Samtang ang kagamhanan sa dakbayan sa Cagayan de Oro gitahasan nga maghatag sa financial, operational ug administrative support sa proyekto gawas pa sa padayong pagmonitor sa paggamit sa nahisgotang ekipo.

Ang ordinansa gipaluyohan usab sa komite sa pamalaod ni konsehal Ian Mark Nacaya.Makuting pagtuon sa lakang pagtukod og