P4.2B gihangyo alang sa pagtukod og water channels sa CdeO River



Ang konseho sa syudad ubos ni bise mayor Kikang Uy padayong naninguha nga masolosyonan ang problema sa pagbaha dinhi sa dakbayan.


Pinaagi sa Resolosyon No. 12886-2018, ang konseho hugot nga mihangyo ni presidente Digong Duterte nga mapangitaan sa pamaagi aron permanenteng masolosyonan ang problema sa pagbaha dinhi sa mga flood prone areas sa syudad.


Dugang niini, ang konseho mihangyo usab nga magahinan og igong pundo ang pagtukod og water channels o’ drainage systems dinhi sa syudad nga gibanabanang mobalor og P4.2 bilyones.


Ang resolosyon nga gisagop sa konseho gipangamahanan ni konsehal Ian Mark Nacaya ug mga kauban sa konseho.