Koko gipasalamatan sa gitukod nga river control dike diha sa Cugman

Dako ang pasalamat sa konseho sa syudad ubos ni bise mayor Kikang Uy kang Senate President Koko Pimentel sa paghatag og pundo aron matukod ang river control dike dinha sa Cugman River.

Sa milabayng sesyon sa konseho, gipalabang ang Resolosyon No. 12885-2018 human si konsehal Zaldy Ocon mibutyag nga gumikan sa natukod nga dike kapin sa 500 ka mga panimalay nga natukod duol sa Cugman River ang naluwas sa nahitabong pagbaha atol sa bagyong Vinta.

Niini, ang konseho mihangyo sa senador nga unta madugangan ang pundo aron matibawas ang proyekto ug mahatagan sa kapaseguroan ang katawhang nanimuyo sa dapit.

Ang resolosyon nga gisagop sa konseho alang sa maong katuyoan gipangamahanan ni konsehal Ocon uban sa tanang sakop sa konseho