Dugang housing project matukod sa Cag de Oro

Hiniusang giuyonan sa konseho sa syudad ubos ni bise mayor Kikang Uy ang proyekto pagtukod og dugang socialized housing dinhi sa dakbayan.

Sa sesyon niadtong Lunes nga gidumala ni bise mayor Kikang Uy, gipalabang ang ordinansa nga nag-aprobar sa aplikasyon sa National Housing Authority (NHA) alang sa Development Permit sa NHA-Gusa Eco Village housing project.

Ang proyekto adunay gilapdon nga 253,064 metros kwadrado nga gibahin bahin ngadto sa 2,579 ka mga lote.

Si konsehal Dometilo Acenas Jr, chairman sa komite sa subdivision, mibutyag nga ang maong proyekto matukod dinha sa barangay Gusa ug gilantaw nga makabenepisyo niini ang mga displaced settlers sa syudad.

Ang ordinansa nga gipalabang alang sa maong katuyoan gipaluyohan sa komite sa subdivision ni Acenas ug komite sa pamalaod ni konsehal Ian Mark Nacaya.