Suzette gidayeg sa malampusong pagdala sa TF Pagalungan Landfill

Gidayeg ug gipahalipayan si konsehal Suzette Magtajas-Daba sa malampuson nga pagdumala sa Task Force Pagalungan Sanitary Landfill atol sa gipahigayon nga tigom sa committee of the whole sa panguna ni konsehal Malou Gaane.

Ang maong taskforce mi-embistigar sa giingon nga pagkamatay sa mga isda ug hinay hinay nga pagkawala niini diha sa Iponan River. Lakip sa gireklamo mao ang pagpangatol sa panit sa mga molopyo sa barangay Pagalungan.

Gihatagan sa madaling pagtagad ang maong mulo sa buhatan sa konseho sa dakbayan ug pinaagi sa nagkalainlaing ahensya sa kagamhanan sama sa EMB, DOST inubanan sa FAST Laboratories mipahigayon og sampling sa tubig.

Sa maong laboratory test nasayran nga nagpabilin nga Class A ug luwas sa mga chemical ang suba duol sa sanitary landfill. (APD)