VM Uy miaksyon sa hangyo sa Dansolihon


Nagpadayon ang konseho sa syudad ubos ni bise mayor Kikang Uy sa pag-aksyon sa mga hangyo ug mulo gikan sa katawhan.


Lakip niini ang gipadangat nga hangyo sa mga opisyal sa barangay Dansolihon nga matabangang masemento ang dalan sa Sitio Macawa paingon sa Sitio Laganglang sa barangay.


Gipasabot nga ang maong dalan sa kasamtangan dili na maagian sa mga sakyanan bisan mga motorsiklo maglisod sa pag-agi tungod sa kadaot niini.


Kini naghatag og kahasol sa mga molopyo sa dapit ilabina sa ilang pagbyahian paingon dinhi sa sentro sa syudad.


Nasayran nga adunay 194 ka pamilya ang nanimuyo sa dapit nga nagkinahanglan sa panabang sa kagamhanan hinundan nga ang barangay hugot nga mihangyo nga matabangan nga mapundohan ang gilaraw nga proyekto.


Niini, giduso ni bise mayor Uy ang hangyo sa barangay ngadto sa komite sa public works ubos ni konsehal Zaldy Ocon alang sa dugang pagtuon ug rekomendasyon.(Yonggals)