Dahino misuporta sa Zero Solvent Sniffing Minors nga Cagayan de Oro



Si konsehal Edna Marban-Dahino, tigdumala sa kometiba sa women & family relations, namahayag nga andam mosuporta sa plano sa kagamhanan sa dakbayan alang sa ZERO Solvent Sniffing Minors and Street Kids sa tuig 2019 ug Strategizing Schemes and Mechanisms.


Si Dahino hugot nga misuporta sa paningkamot sa kagamhanan nga masumpo ang maong inhalant abuse.

Dugang pa nga ang plano sa CSWD angayan lamang suportahan aron mawagtang ang maong inhalant abuse diin nahimo kini nga dakong problema ilabina ngadto sa mga kabataan ug kabatan-onan.


Gipaningkamotan nga sa pag-abot sa tuig 2019 mahimong ZERO Solvent Sniffing Minors na ang dakbayan sa Cagayan de Oro.


Kinahanglan nga ang pagsumpo niini magsugod sa panimalay ug ang mga ginikanan angayang adunay kahibalo kun unsa ang kadaot nga possible usab sa pagkalas sa kinabuhi, pamahayag sa konsehal.


Angayan masayran sa mga ginikanan ang mga butang nga maghatag og kadaot sama sa solvent, dusting spray, air freshener, refrigerant, markers, correction fluid, cooking spray ug uban pang produkto nga dali makita sulod sa panimalay, panapos ni konsehal Edna Dahino. (APD)