Lim motuon sa SB1 sa Brgy 31

Gipaabot aksyonan sa komite sa barangay affairs ni konsehal Alam Lim ang ordinansa nga gipalabang sa konseho sa Barangay 31.

Kini may kalabutan sa ilang Supplemental Budget No. 1 nga mobalor og P570 mil kapin diin nasukip ang mga gipunduhang dugang mga programa ug proyekto alang sa nahabiling higayon ning kasamtangang tuig.

Lakip sa gigahinan sa maong SB ang pagtul-id ug pagmintinar sa ilang salakyan, cultural and athletic expenses, medical supply ug uban pang galastuhon sa operasyon sa barangay nga gilantawng maghatag og dugang kaarangan sa kinabuhi sa katawhan ug kalamboan sa ilang barangay .

Niini, ang komite ni Lim gipaabot nga moaksyon sa maong budget aron kini maimplementar sa barangay sa labing dali nga panahon. (Yonggals)