2 subd projects matrabaho sa CdeO

Dugang duha ka subdivision projects ang masugdan sa pagtrabaho dinhi sa dakbayan sa Cagayan de Oro.

Kini human gipalabang sa konseho sa syudad ubos ni bise mayor Kikang Uy ang duha ka managlahing ordinansa alang sa maong katuyuan.

Sa gipalabang nga Ordinance No. 13345-2017, giuyonan sa konseho ang aplikasyon sa A Brown Company alang sa Development Permit (DP) sa Mangoville Subdivision Project.

Kini nahimutang sa barangay Agusan ug adunay gilapdon nga 35,834 metros kwadrado ug gibahin bahin ngadto sa 235 ka mga units.

Lakip sa gipalabang sa konseho mao ang Ordinance No. 13346-2017 nga nag-aprobar sa aplikasyon sa Alveo Land Corporation alang sa Development Permit (DP) sa Kayak Village 1A Subdivision project nga nahimutang sa barangay Tablon. Kini adunay gilapdon nga kapin sa 23 ka hektarya ug gibahin bahin ngadto sa 254 ka mga lote.

Ang duha ka ordinansa nga gipalabang sa konseho alang sa maong katuyoan gipaluyohan sa komite sa subdivision ni konsehal Dometilo Acenas Jr ug komite sa pamalaod ni konsehal Ian Mark Nacaya.