Calizo motuon sa hangyo sa Lapasan


Nagpadayon si bise mayor Kikang Uy paghatag sa pagtagad sa mga hangyo ug problema nga gipaabot sa katawhan ug lain laing sector sa katilingban dinha sa iyang buhatan.


Lakip sa giaksyonan sa bise mayor mao ang hangyo sa konseho sa barangay Lapasan nga matabangan dinha sa pag-establisar og loading ug unloading area sa Coastal road duol sa Sitio Lambago, sa barangay.


Sa resolusyon nga gipasaka sa barangay ngadto sa konseho sa syudad, gipasabot ni kapitan Omar Labuntog nga ang pagbutang sa maong Loading ug Unloading area sa dapit makahatag og proteksyon ug kasayon sa mga motorista ingon man sa mga sumasakay.


Ninii, giduso ni bise mayor Uy ang hangyo sa barangay ngadto sa komite sa roads and traffic management ni konsehal Romeo Calizo alang sa pagtuon og rekomendasyon. (Yonggals)