Police visibility gihanyo dihas Bulua High

Konsiderahon sa komite sa police, fire and public safety ni konsehal Romeo Calizo ang sulat hangyo sa prinicipal sa Bulua National High School.

Sa sulat ngadto sa komite ni Calizo, ang principal sa tunghaan mihangyo nga mabutangan sa presensya sa kapolisan ang tunghaan gikan sa alas 5:00 ngadto sa alas 7:00 sa gabii aron mahatagan sa seguridad ang mga tinun-an.

Matod sa principal nga daghan nang mga insidente sa bullying ug pagpangilkil ang kagahitabo sa ilang mga tinun-an ilabina panahon sa tingpamauli ug gani ang maong impormasyon napaabot na kini ngadto sa atensyun sa barangay ug sa police station.

Sila nanghinaut nga mahatagan kini sa igong pagtagad aron mahatagan sa proteksyon ug seguridad ang mga tinun-an aron usab mahalikay sila sa mga dautang panghitabo. (Yonggals)