Kon. Dahino misuporta sa kalamboan sa tinun-an sa CdeO

Gisuportahan ni konsehal Edna Marban-Dahino, chairman sa komite sa women and family relations ang hangyo sa usa ka otso anyos nga bata nga si Rudy Anthony Kyle K. Villanueva, tinun-an sa Oro Christian Grace School dinhi sa syudad.

Kini human ang tinun-an misalmot sa kompetisyon nga gipasiugdahan sa Mathematics Trainer’s Guild (MTG) didto sa Grand Regal Hotel and Water Front Insular Hotel sa Lanang, Davao City niadtong Nobyembre 8-12, 2017.

Dako ang kalipay ni konsehal Dahino tungod kay usa usab kini sa nagdala og garbo sa dakbayan. Si Villanueva, matod pa, ekselenteng nakahimo sa Youngster Group sa tuig nga gipahigayon ang Young Mathematician I-house Intensive Training Program (YMIITP) didto sa Iloilo nga gipahigayon sa Mathematics Development Academy of the Philippines (MATHDAP).

Ang maong bata nakaangkon na og award sa gipahigayon nga kompetisyon sa 3rd International Mathematics Wizard Competitions (IMW) nga gipahigayon didto sa Xiamen, China. (APD)