top of page

Kikang kaabag sa Solidwaste Management Program –Clenro

Usa si bise mayor Kikang Uy sa kaabag dinha sa pagpalapad sa kampanya kalabot sa Solidwaste Management Program sa syudad.


Mao kini ang gibutyag ni Oliver Egypto, hepe sa Task Force Solidwaste Management, atol sa tigom sa konseho kagahapong adlawa agig tubag sa pangutana ni konsehal Bong Lao sa mga gipahigayong lakang aron mapaabot sa katawhan ang programa.


Gani, matod niya, ipahigayon karong adlawa ang konsultasyon tali sa katawhan sa Pagalungan aron mapaabot kanila ang pamaagi sa pagbahin bahin sa mga basura dinha pa sa ilang tagsa tagsa ka panimalay.


Niini, si bise mayor Kikang Uy mibutyag nga nahimo na sa siyam ka mga barangay ang maong konsultasyon ug magpadayon kini hangtod nga tibouk katawhan sa dakbayan sa Cagayan de Oro ang masayod sa gipatumang Waste Segregation Law.


Kini malampusong nahimo na dinha sa barangay Carmen, Lumbia, Lower Balulang, Upper Balulang, Patag, Macabalan, Iponan, Macasandig ug Gusa ug dako ang akong panghinaut nga ang nakat-onan sa katawhan atol sa konsultasyon ila gayud nga mapatuman sa ilang mga panimalay, pamahayag ni bise mayor Kikang Uy.


bottom of page