Pagmugna sa Meat Inspection Div sa City Vet Ofc padayong gitun-an

Padayong gipanday sa komite sa agriculture ni konsehal Annie Daba ug komite sa panglawas ni konsehal Malou Gaane ang balaodnon nga magmugna sa City Meat Inspection Services Division (CMIC), usa ka regulatory services ubos sa City Veterinary Office.

Sa hiniusang tigom sa duha komite niadtong Mierkoles nga gitambongan nila ni konsehal Annie Daba, Gaane, Suzette Magtajas-Daba, Reuben Daba, Bong Lao ug Eric Salcedo, si City Veterinarian Dr. Perlas Asis, kinsa mao ang miduso sa balaodnon mipasabot nga kompleto na ang organisasyon sa mga kawani alang niini ug ordinansa na lang ang gikinahanglan alang sa maong katuyuan aron kini makalihok.

Matod ni Asis nga gipangitaan sila sa National Meat Inspecton Services sa ordinansa aron maimplementar ang National Inspection Code kon Republic Act 9296.

Gidugang niya nga sa miaging bulan, nakighinabi na siya ni Mayor Oscar Moreno uban sa director sa National Meat Inspection Services ug misanong kini pagduso sa maong sugyot ilabina nga daghan na usab ang angayan nga bag-ohon sama sa balayrnon sa post ug ante mortem fees nga dili na applicable karong panahon tungod kay ubos ra kaayo.

Lakip sa gisugyot mao ang pag-regulate sa mga lechoneros dinhi sa syudad.

Niiini, gisugyot ni konsehal Gaane ngadto ni Asis ang paghan-ay pa sa tanang mga probisyon ug pagsukip sa sugyot sa mga sakop sa konseho aron kini padayong mahisgutan sa umaabot pang nga tigom. (Yonggals)