Daba misuporta sa Dugong Bombo bloodletting proj

Si konsehal Reuben Daba, chairman sa komite sa katilingbanong serbisyo, nag-awhag sa katawhan nga adunay kapiskay sa panglawas pagdonar og dugo atol sa ipahigayong Blood Letting Activity sa Bombo Radyo Cagayan de Oro.

Ang kalihokan nga nag-ulohan og Dugong Bombo: A Little Pain A Life to Gain Bloodletting Activity gitakda sa Nobyembre 18, 2017 diha sa Atrium Limketkai Center gikan sa alas 7:00 sa buntag paingon sa alas 12 sa udto.

Kini agig suporta sa kagamhanan sa syudad sa tinuig nga programa sa Bombo Radyo Philippines diin libohan na ang natabangan ug naluwas pinaagi sa mga dugo nga gidonar sa katawhang adunay malumong kasingkasing. (Yonggals)