Dahino motuon sa sugyot ma-ratify kontrata pagpalit og lote dihas Lumbia

Tun-an sa komite sa finance, budget and appropriations ni konsehal Edna Marban-Dahino ang lakang ma-ratify ang kontrata sa pagpalit sa kagamhanan sa syudad sa lote nga gipanag-iyahan sa mga sumusunod sa pamilyang Gador diha sa sitio Pahiron, Barangay Lumbia.

Ang maong lote gigamit nga relocation site sa 722 ka mga balay ubos sa Japanese Non-Grant Aid alang sa Shelter Assistant sa mga biktima sa bagyong Sendong.

Ang maong ratipikasyon naglangkob sa kadak-on gikan sa 101,191 sq.m ngadto sa 76,402 sq. m. diin ang kantidad mokunhod usab gikan sa P27,541.31 ngadto sa 20,246,350 ingon man ang giluwatang extra judicial partition sa mga nagbaligya uban sa Deed of Absolute Sale ug kondisyon nga ang naulahi maoy magbayad sa Capital Gains Tax. (APD)