Konseho uyon sa operasyon sa sabongan dihas Pagatpat

Ang konseho sa syudad mipadayag sa ilang pag-uyon sa pagtukod ug operasyon sa usa ka sabongan dinha sa Zone 2, barangay Pagatpat, ning syudad.


Sa milabay nga sesyon, gisagop sa konseho ang Resolosyon No. 12832-2017 nga nagpadayag sa pag-uyon sa maong establisamento sa Canitoan-Pagatpat Cockers Association (CPCA).


Niini gilatid sa resolosyon nga gikinahanglang masunod sa operator ang tanang balaod, ordinansa, patakaran ug mga giya kalabot sa maong matang sa operasyon.

Hinuon, sila si konsehal Edna Dahino, Lordan Suan, Leon Gan Jr. ug Nadya Emano-Elipe mi-abstain sa maong lakang.