Annual budget sa barangay Pagalungan mapatuman na

Dugang kaugmaran ug kalamboan ang masinati sa katawhan sa barangay Pagalungan, ning syudad.

Kini human ang konseho sa miaging sesyon nga gidumala ni bise mayor Kikang Uy hiniusang misagop sa Resolution No. 12827-2017 nga nag-uli sa Ordinance No. 014, series of 2017 sa Pagalungan diin nasukip ang ilang Annual Budget alang sa hingpit nga implementasyon human nasuta sa mga magbabalaod nga ang maong ordinansa nahiuyon ug mahimo nang mapatuman sa labing dali nga panahon.

Si konsehal Alam Lim, chairman sa komite sa barangay affairs sa konseho, mibutyag nga iyang gisuportahan ang maong lakang tungod kay makaayo kini sa katawhan ug mahakahatag sa dugang kaarangan ug kalamboan sa ilang barangay.

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affars ni konsehal Lim ug komite sa pamalaod ug reglamento ni konsehal Ian Mark Nacaya. (Yonggals)