Salcedo miawhag sa mga ginikanan magmabinantayon sa mga anak

Si konsehal Eric Salcedo, chairman sa komite sa cooperatives, subling nanawagan sa mga ginikanan sa syudad nga ilang doblehon ang pag-monitor sa ilang mga anak ilabina niadtong anaa nagtungha sa elementarya niining panahon nga kanunay ang pagbundak sa kusog nga ulan.

Matod ni Salcedo nga matag karon ug unya kalit lang mobundak ang kusog nga pag-ulan nga hinungdan sa daling pagbaha sa kadalanan sa syudad nga peligro alang sa mga kabataan mga moagi sa mga dalan nga dali lang gakabahaan.

Iyang gipasabot nga dili lang magkompyansa tungod kay aduna gayud mga dalan nga dali lang bahaan tungod sa pag-awas sa kanal o’ mga creek maong kinahanglan nga ato gayud kun mahimo sundoon sa ilang tagsa tagsa ka tunghaan.

Isip ginikanan sama kaninyo, mipaabot lang ako sa akong pahimangno aron masiguro ang kaluwasan ug kapasiguroan sa atong kabataan ilabina kadtong anaa pa sa elementarya nga nagkinahanglan sa atong giya, pamahayag ni Salcedo. (Yonggals)