Calizo nahingawa sa pagbalhin sa kampanya kontra droga gikan sa PNP ngadtos PDEA

Dako ang kahingawa ni konsehal Romeo Calizo, chairman sa komite sa police, fire and public safety, sa lakang pag pull-out sa kapolisan sa ilang kampanya kontra druga ug pagbalhin niini ngadto sa Philippine Drug Enforcement Agency (PDEA).

Sa iyang special report atol sa sesyon sa konseho niadtong Mierkoles nga gidumala ni konsehal Zaldy Ocon, si Calizo mitaho nga human giluwatan ni Presidente Rodrigo Duterte ang memorandum niadtong Oktubre 17, ning tuig, nga nagbalhin sa kampanya kontra illegal nga druga ngadto sa PDEA namatikdan sa konsehal nga zero accomplishment ug iyang gikabalaka ang possible nga makadani kini nga mobalik sa ilang bisyo tungod sa kakulangon sa pwersa ug mga personahe sa PDEA.

Dugang ni Calizo nga maglisod usab ang mga barangay police pagsikop sa mga gapayuhot sa droga kun walay pag-abag ug presensya sa kapolisan.

Niini, nanghinaut lang si Calizo nga bisan taliwala sa kakulangon sa personahe sa PDEA ug dako ang ilang area of concern hugot nilang magahum ang kampanya batok sa illegal nga druga. Nagtuo usab ang konsehal nga pinaagi sa tabang sa mga opisyal sa barangay mahimong mahadlok ang mga gapayuhot sa illegal nga druga.

Nunot niini, dako gihapon ang paglaum ni Calizo nga mabalik sa kapolisan ang operasyon ug kampanya batok sa illegal nga druga.(El Kapitan)