Taga-Lumbia natunolan og Philhealth Cards

Dako ang pasalamat ni bise mayor Kikang Uy sa padayong pag-abag sa Philippine Health Insurance Corporation (Philhealth) sa katawhan sa dakbayan sa Cagayan de Oro.

Kagahapong adlawa, kapin sa 631 ka Philhealth Cards ang gia-apod apod sa Philhealth pinaagi sa Local Health Insurance Office (LHIO) didto sa barangay Lumbia.

Sa kasayuran nga nadawat sa buhatan sa bise m

ayor, adunay 332 ka mga sakop sa National Household Targeting System (NHTS) sa Lumbia ang natunulan sa ilang Philhealth Cards uban sa Member’s Data Record (MDR) samtang mokabat usab sa 299 ka mga sakop sa Pantawid Pamilyang Pilipino Program (4Ps) ang nakadawat sa ilang cards.

Tibouk pamilya ang maprotektahan sa natad sa panglawas sa gipatumang programa sa Philhealth ug sa kagamhanan sa syudad, pamahayag ni bise mayor Uy.

Ang turn-over ceremony nga gipasiugdahan sa DepEd, DSWD, Philhealth ug LHIO kagahapong adlawa gitambongan nila ni konsehal Reuben Daba ug George Goking.

Niini, ang representante sa LHIO mibutyag nga alang niadtong wala makakuha sa ilang mga cards, ila kining makuha pinaagi sa mga opisyal sa barangay tungod kay gitunol usab ngadto sa barangay ang masterlist sa mga benepisaryo sa programa.