Waste Segregation Law ipatuman dihas Pagatpat

Konsiderahon sa komite sa barangay affairs ni konsehal Alam Lim ang resolusyon nga gipalabang sa barangay Pagatpat, ning syudad.

Kini nagsagop sa City Ordinance No. 8975-2003 nga nag-require sa mandatory segregation sa mga basura diha sa tagsa tagsa ka panimalay sa tanang residente nga nag-okupar ma-pribado man o’ pampublikong establisamento sulod sa barangay.

Gipasabot sa mga opisyal sa barangay nga ang maong lakang gitumong aron masunod ang mando sa Akta Republika 9003 kon Ecological Solidwaste Management Act of 2000 ug Ordinance No. 8975-2003 kon Waste Segregation At Source Ordinance sa dakbayan.

Matod nila nga ilang nakita nga makaayo sa kadaghanan ang pagsunod sa maong balaod sa ingon nga mamintinar ang kahindik sa ilang dapit.

Nasayran nga ang maong ordinansa nagpahamtang og multa alang niadtong mga residente nga makasupak sa gilatid sa nahisgotang balaod ug sila malaumon nga sa maong lakang hamugaway ang pagkolekta sa mga basura. (Yonggals)