Hangyo sa Balulang Senior High School tun-an sa LSB

Tun-an sa Local School Board (LSB) ang hangyo nga magahinan ang pagpalit og tools ug materials nga magamit sa kursong Electrical Installation and Maintenance (EIM NCII) sa Balulang Senior High School.

Kini human ang komite sa edukasyon ni konsehal Suzette Magtajas-Daba miduso sa hangyo sa principal sa tunghaan ngadto sa LSB aron mapangitaan og pundo.


Matod pa nga ang maong mga materyales dako makatabang sa mga kabus nga tinun-an sa Senior High School sa barangay tungod kay maghatag kini kanila og kahigayonan nga makahimo sa aktwal nga demonstrasyon Electrical Installation ug Maintenance alang sa pagkuha sa gikinahanglang skills aron mamahimong productive members sa komunidad. (APD)