Mga programa, proyekto sa brgy Bayanga mapatuman na



Hayan mapatuman na konseho sa barangay Bayanga, ning syudad ang ilang dugang mga programa ug proyekto karong tuiga.


Kini human ang konseho sa syudad sa sesyon kagahapon nga gidumala ni bise mayor Kikang Uy hiniusang misagop sa resolusyon nga nag-uli sa Ordinance No. 2, series of 2017 sa Bayanga diin nasukip ang Supplemental Budget No. 1 nga mobalor og P228 mil kapin alang sa hingpit nga implementasyon.


Nasulod sa maong budget ang listahan sa pipila ka programa ug proyekto nga gikinahanglang pang ipatuman karong tuiga alang sa dugang kaarangan sa kinabuhi sa katawhan ug dugang kalamboan sa barangay.


Si konsehal Alam Lim, chairman sa komite sa barangay affairs, mipasabot nga iyang gisuportahan ang maong lakang human niini nakita nga nahiuyon sa balaod ug makaayo sa kinabag-ang katawhan sa nahisgutang barangay.


Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni konsehal Lim ug komite sa pamalaod ug reglamento ni konsehal Ian Mark Nacaya. (Yonggals)