Salcedo miawhag sa patas nga lihok sa CHR

Si konsehal Enrico Salcedo, chairman sa komite sa cooperative, mipadayag sa iyang kahingawa sa unang laraw sa mga magbabalaod nga gahinan lang ug P1 ka libo ang Commisson on Human rights.

Kini ang unod sa mensahe ni konsehal Salcedo atol sa ilang miaging programa sa kahanginan nga “Ang Konseho Karon: The Mover of Change and City’s Development” human nila nahisgutan ang maong isyu.

Matod ni Salcedo nga dili usab maayo nga ing-ana lang ang gahin tungod kay mao ra usab og gi-dissolve ang maong buhatan ug dili kini makatarunganon tungod kay alang man kini sa katungod sa katawhan.

Hinuon, gipasabot ni Salcedo nga angayan sab nga magmata ang maong komisyon ug kinahanglan nga balanse usab sila sa pag-aksyon sa tanang mga panghitabo sa komunidad ma-kriminal man o’ dili ang nahilambigit sa usa ka panghitabo.

Kinahanglan nga patas lang usab sila ug walay paboran, panapos sa konsehal.

Niini, siya malipayon nga gibalik na sa kongreso ang gipangayong budget sa komisyon sa tuig 2018. (JRG)