Suan misuporta sa kalihokan sa PSGS

Gikalipay ug andam suportahan ni konsehal Lordan Suan, chairman sa komite sa ethics & blue ribbon sa konseho ang ipahigayon nga kalihokan sa Philippine Society of General Surgeons (PSGS).

Kini nunot sa kasaulogan sa umaabot bulan sa Oktobre, ning tuiga nga PINK OCTOBER. Usa kini ka Breast Cancer PINK Run 2017 nga gitumong sa maong kalihokan mao ang kampanya alang sa sayo nga pagmatngon og pagbantay sa breast cancer ug usab dali kini nga matambalan.

Gipasabot ni konsehal Suan nga angayan lamang suportahan ang maong kalihokan tungod usab kini panglawas sa mga kababayen-an diin angayan nga mahatagan ug pagtagad. Ang cancer usa ka sakit nga mokalas ug kinabuhi apan kun kini sayo nga mabantayan dako ang posibilidad nga malibre ang maong mga pasyente. (APD)