Konseho uyon ma-convert city roads ngadto sa national roads

Paborableng gisuportahan sa konseho sa syudad ubos ni bise mayor Kikang Uy ang lakang ma-convert ang pipila ka city roads ngadto sa national roads.

Sa milabayng sesyon sa konseho, hiniusang gisagop ang Resolosyon No. 12795-2017 nga nagpadayag sa pag-uyon sa conversion sa maong city roads ngadto sa national roads sa ikaduhang distrito sa dakbayan nga naglakip sa Primary Arterial Road (Butuan-Cagayan de Oro-Iligan City Road), Secondary Road ug Tertiary Road.

Hinuon, kini ubos sa kondisyon nga ilakip sa Department of Public Works and Highways (DPWH) ang pagbutang og drainage system sa development ug maintenance niini.

Lakip sa mga gi-convert nga dalan mao ang Don A. velez Street-Macasandig-Indahag-Bukidnon Road, Don A Velez Street-Carmen (Pelaez Bridge)-Airport Road, Junction Butuan City-Cagayan de Oro-Iligan City (BCIR)-Osmeña Extension -CDO Port Road, Junction Butuan City-Cagayan de Oro-Iligan City (BCIR)-Agora -CDO Port Road, Junction Airport Road-Upper Balulang-Macasandig-Don A Velez Street, Don A Velez Street -JR Borja -Butuan City -Cagayan de Oro -Iligan City Road, Junction Butuan City-Cagayan de Oro-Iligan City (BCIR)-Corrales St. North Divisoria Road, Junction Butuan City-Cagayan de Oro-Iligan City (BCIR)-Cugman -Malasag Road ug Abellanosa Service Road -Capistrano Street -Carmen -Patag Road.

Ang resolosyon nga gisagop sa konseho alang sa maong katuyoan gipaluyohan sa komite sa subdivision ni konsehal Dometilo Acenas Jr. ug komite sa pamalaod ni konsehal Ian Mark Nacaya.