Loteng tukuran sa Taglimao High gihangyo

Konsiderahon sa komite sa edukasyon ni konsehal Suzette Magtajas-Daba ang sulat sa in charge sa Taglimao National High School kalabot sa gipahigayong relocation survey sa City Engineers Office diha sa maong tunghaan.

Sa iyang sulat ngadto sa komite, si Marilou Lagac, school in charge sa TNHS, mipahibalo nga ang relocation survey nga gipahigayon sa CEO diha sa Taglimao National High school giaprobahan na ni Mayor Oscar Moreno.

Nasayran nga ang maong luna adunay gilapdon nga 12,776 metros kwadrado nga nahimutang sa Taglimao, ning syudad.

Niini, sila mihangyo sa konseho sa pagpalabang og ordinansa alang sa Deed of Donation tali sa kagamhanan sa syudad nga mao ang nanag-iya sa lote pabor sa DepEd-Taglimao aron masugdan na ang pagtukod sa edifisyo sa tunghaan. (JRG)