Twinning Agreement tali’s CdeO, San Mateo, Rizal giuyonan

Gidawat sa konseho sa syudad ubos ni bise mayor Kikang Uy ang imbitasyon sa San Mateo, Rizal alang sa Sistership o’ Twinning Agreement tali sa dakbayan sa Cagayan de Oro.

Kini ang unod sa gisagop nga resolosyon sa konseho sa sesyon niadtong Lunes sa tinguha nga mapalambo ang panagsabot ug goodwill sa duha ka lokal nga kagamhanan.

Dugang niini, si bise mayor Uy mipasabot nga ang maong kasabutan magdala usab og technical exchange ug cooperation sa lain laing dimension sa pagpadagan sa lokal nga kagamhanan.

Sa sulat ni Mayor Cristina Diaz sa San Mateo, Rizal ngadto ni Mayor Oscar Moreno, giingon nga pinaagi sa panaghiusa sa duha ka kagamhanan, mahatagan sa kalamboan ang kultura, economic progress ug development ingon man ang natad sa patigayon.

Magtabang usab kini nga mapalambo ang kahibalo sa emergency ug disaster preparedness.

Nasayran nga ang San Mateo usa ka first class urban municipality ug usa sa mga malambuong munisipyo sa probinsya sa Rizal.