Pagpatuman sa FMR proj tun-an sa kom ni Dahino

Tun-an sa komite sa finance, budget & appropriations ni konsehal Edna Marban-Dahino ang gahin alang sa pagpatuman sa sugyot Memorandum of Agreement (MOA) tali sa Kagamhanan sa dakbayan ug sa Department of Public Works and Highways -Cagayan de Oro City 2nd District Engineering Office (DPWH-II DEO).

Tumong sa maong MOA ang implementasyon sa Farm-To-Market Road alang sa tuig CY 2017 diha sa barangay Balubal ug Indahag, ning syudad.

Ang maong proyekto mobalor og P11 milyones diin ang P10 milyones pundohan sa Department of Agriculture ug ang usa ka milyon ka pesos kuhaon sa panudlanan sa dakbayan isip paatbang pundo sa maong mga proyekto. (APD)