RROW dihas St. Mary’s St., Kauswagan ablihan

Gilantaw nga maablihan og road right of way (RROW) ang mga residente dinha dapit sa St. Mary’s Street, barangay Kauswagan, ning syudad.

Kini human ang konseho sa syudad sa sesyon niadtong Lunes nga gidumala ni bise mayor Kikang Uy mihatag og katungod ni mayor Oscar Moreno pinaagi sa City Legal Officer ang pagpasaka og expropriation proceedings sa tag-iya sa lote nga maapektohan sa gisugyot nga unom ka metros kalapad nga access road paingon sa kasamtangang walo ka metros kalapad nga St. Mary’s Street sa barangay Kauswagan.

Ang ordinansa nga gipalabang alang sa maong katuyoan naglatid nga ang pagpasaka sa expropriation proceedings himuon kun mapakyas ang negosasyon tali sa tag-iya sa lote.

Ang maong lakang gipaluyohan sa komite sa urban poor ni konsehal Zaldy Ocon ug komite sa pamalaod ni konsehal Ian Mark Nacaya