top of page

Kakulangon sa traffic signages, roadway marks namatikdan

Konsiderahon sa komite sa traffic management ni konsehal Romeo Calizo ang mulo sa usa ka nagpakabang lungsaron dinhi sa syudad kalabot sa dagan sa trapiko sa kadalanan.

Sa iyang sulat ngadto sa komite, si Ralf Vincent Abragan usa ka nagpakabang kagay-anon, mipadayag sa iyang namatikdan nga kakulangon sa traffic signages sa kadalanan ug roadway marks nga dako unta og ikatabang nga malikayan ang aksidente sa dalan.

Lakip sa iyang gipadangat mao ang kakulangon sa towing services nga moresponde sa panahon nga adunay mga madautang salakyan taliwa sa kadalanan aron malikayan ang pagponsisok sa mga salakyan.

Dugtong niini, si Abragan miingon nga anaa usab ang kakulangon sa construction warning signs nga sagad usab nga hinungdan sa aksidente ug ang kinahanglan nga pag-improbar sa mga traffic hazards.

Matod niya kini pipila lang sa mga isyu ug concern nga kinahanglan nga aksyunan sa hintunghang buhatan sa syudad aron nga mahimong luwas ang mga motorista ug pedestrian sa aksidente samtang anaa sila sa kadalanan.


bottom of page