Kon. Daba misuporta sa lakang matul-id Mother Theresa Home

Si konsehal Reuben Daba, chairman sa komite sa katilingbanong serbisyo, nangusog nga matul-id ang edipisyo sa Mother Theresa Home nga nagsilbing pasilunganan sa mga galatagawng kabataan kon street children.

Gisuportahan sa konsehal ang resolusyon sa Local Finance Committee (LFC) nga nagrekomendar sa paggahin og P492 mil gikan sa CY 2016 Continuing Appropriation ubos sa buhatan sa City Social Welfare Development alang sa pagtul-id sa maong fasilidad.

Si konsehal Daba mibutyag nga angayang suportahan ang maong lakang aron mahatagan sa hamugaway ug plastar nga kapuy-an ang mga streetkids.

Sa iyang bahin, si konsehal Malou Gaane mipasabot nga kinahanglan nga uyunan ang maong lakang tungod aprobado naman kini nga gahin ug dako na kini nga suporta aron masugdan ang ptoyekto.

Niini, giduso ni Daba ang rekomendasyon sa LFC ngadto sa komite sa panalapi ni konsehal Edna Dahino alang sa dugang pagtuon ug rekomendasyon. (Yonggals)