Pagtukod og hospital dihas Lumbia gilantaw

Tun-an sa komite sa ways and means ni konsehal George Goking ang hangyo sa City Health Office nga mapasaka ang usa resolosyon nga mag-endorsar sa lakang pagtukod og dugang hospital dinha sa barangay Lumbia.

Sa kasayuran nga nadawat ni Goking gikan ni Dr. William Bernardo, MD, OIC, CHIO ug CHO-Infra Implementation, gipasabot nga gitinguha sa dakbayan nga matukod ang 105-bed level one hospital ug ang pagpasaka sa resolosyon usa sa mga gikinahanglang nga rekisitos sa Department of Health (DoH) sa aplikasyon alang sa Permit to Construct (PTC).

Subay sa Local Budget Circular No. 109 nga giluwatan niadtong Marso 2016 sa Department of Budget and Management (DBM), gikinahanglan ang pagpasaka og resolosyon sa konseho alang sa mga programa ug proyektong pundohan ubos sa Local Government Support Fund (LGSF) Financial Assistance to Local Government Units. (APD)